几多外嫁女可以在外家长住呢？

我妹从婚前到目前除坐月外一直系屋企住，BB基本上系我姑姐、我妈同我妹三个边个得闲边个凑。三个年龄层既人对于点样凑BB会有好多唔同既意见,但出发点绝对都系为BB好。细佬未结婚，唔知第日距老婆会点，系90后既女生离讲目前作为女朋友既都比较OK。三姐妹一层楼，最大细佬间房40方以上，最细我个房10方多dd，屋企人叫我搬上三楼间大房，我就无所谓，反正一个星期翻去训一晚，舒服就得~细佬部车周末妹夫翻离就会开走，细佬无意见，父母更加唔会讲乜，因为都系自己人用。所以我觉得，其实只要屋企人唔介意，理街外人讲乜，关距地鬼事

我相信好多存在问题既姑嫂或婆媳都系相处上出现左问题，如果嫁左出去翻外家既大姑或姑仔识做人，个嫂又唔介怀，哩个问题会好处理好多，就好似我之前发贴所提到，个大姑长期系外家住，连伙食，生活用品都唔舍得出钱买，连你买俾你自己个细蚊仔既牛奶零食都可以当系自己既罗黎俾距个细蚊仔食，长期落去此终会产生矛盾既，只要是识做人，哩D问题都好易解决的。另外：嫁得俾你大佬或细佬既女人肯定系距地中意既先会娶，只要外嫁囡唔好当距地无到，要俾一分尊重既话，我相信个嫂都唔会专登刁难既，人心肉做。

我地也是纯女户，曾经试过在外家住过差不多4年时间，最后结果话我知是唔得的，在这4年时间里面，我父母过得好开心，因为有我地在身边。但随之问题是我老公介意、我家婆介意，甚至差点闹婚变，到最后，为了头家，我还是要一家三口番番黎老公家住，现在我是多么的挂念在外家的日子啊！